ساہیوال (نامہ نگار) وزیر اعلیٰ نے پینٹ شرٹ کے ساتھ گرے کلر کی و یسٹ کوٹ پہن رکھی تھی۔ ٭… تقریب کے آغاز پر ڈی سی او ساہیوال آصف اقبال چودھری نے سپاسنامہ پیش کیا۔ ٭… وزیراعلیٰ نے کہا اگر مجھ سے کوئی غلطی ہوئی ہے تو میں ہاتھ جوڑ کر معافی مانگتا ہوں۔ ٭…وزیراعلیٰ نے سابق ایم پی اے ولایت شاہ کو انگلینڈ شاہ کہہ کر مخاطب کیا۔ ٭… وزیراعلیٰ نے کہا کہ میں مانتا ہوں کہ کرپشن ابھی تک ختم نہیں ہوئی ہے اورہم سب کا فرض ہے کہ مل کر کرپشن کا خاتمہ کریں۔ ٭… وزیر اعلیٰ بذریعہ ہیلی کاپٹر ساہیوال پہنچے تو چودھری محمد اشرف ممبر قومی اسمبلی، پیر عمران احمد شاہ ولی ممبر قومی اسمبلی، ملک محمد ارشد، ولایت شاہ کھگہ، پیر خضر حیات اور ارشد خان لودھی نے اُن کا استقبال کیا۔٭… چودھری محمد اشرف ایم این اے نے کاشتکاروں کی بھرپور نمائندگی کرتے ہوئے کاشتکاروں کے مسائل کا تفصیلی ذکر کیا۔