سکھر (ایجنسیاں) اپوزیشن لیڈر سید خورشید شاہ نے کہا ہے کہ عمران خود ابھی تک بے بی اور برگر بوائے ہیں، سیاست میں وہ لوگ آگئے جنہیں گراس روٹ کا پتہ ہی نہیں، ایک طرف نوجوانوں کی بات کرتے ہیں دوسری طرف نوجوانوں پر تنقید کرتے ہیں۔ حکومت کی غلط پالیسیوں سے کنٹینر والے سیاستدان بن گئے۔ اقتصادی راہداری منصوبے میں چھوٹے منصوبوں کو نظرانداز کیا جا رہا ہے۔ نواز شریف بتائیں منشور پر کتنا عملدرآمد ہوا ہے۔ نوجوان بے روزگاری سے تنگ آچکے ہیں۔ عوام پر ٹیکس لگا رہے ہیں، ماضی کی اپوزیشن کا راستہ ترک کرکے مثبت اپوزیشن کررہے ہیں۔ اپوزیشن کا کام عوامی مسائل اجاگر کرنا ہے، حکومت غریب عوام کو ریلیف نہیں دے رہی۔ پیرس حملوں کی مذمت کرتے ہیں، حملے مسلمانوںکو بدنام کرنے کی سازش ہیں۔ وزیراعظم غیرملکی دوروں پر اپوزیشن کو اعتماد میں نہیں لیتے۔
خورشید شاہ