سیالکوٹ+سمبڑیال (نامہ نگاران) ساہووالہ کے قریب سے گزرنے والی نہر میں ماں نے سات سالہ بیٹی سمیت چھلانگ لگا دی۔ بتایا گیا ہے کہ شمس الدین کی بیوی 33سالہ عظمیٰ نے اپنی7سالہ بیٹی مریم کے ہمراہ نہر میں چھلانگ لگا دی۔ اطلاع پر ریسکیو1122کی ریسکیو ٹیم جائے وقوعہ پر پہنچ گئی اور نہر میں ماں بیٹی کی تلاش شروع کر دی ۔ پانچ گھنٹے کی مسلسل تلاش کے باوجود نہر سے نعشیں برآمد نہ ہو سکیں۔ ریسکیو اہلکاروں کے مطابق واقعہ کا عینی شاہدکوئی بھی نہیں ہے۔