لاہور (خبر نگار) برطانیہ کی مشہور مہم جو پائلٹ ٹریسی کرٹس ٹیلر اپنے 1942 ء ماڈل کے بوئنگ سٹیرمین طیارے میں گذشتہ روزگوادر پہنچیں۔ انکی آمد پر پاک فضائیہ کی لیڈی پائلٹ سائرہ بتول نے ان کا استقبال کیا۔پاک فضائیہ ان کے پاکستان میں مختصر قیام کے دوران ان کی میزبانی کے فرائض سر انجام دے گی۔ 53 سالہ مشہور ہوا باز نے اپنا سفر فارن برو انگلینڈ سے شروع کیا جو کہ سڈنی میں اختتام پذیر ہو گا۔ آسٹریلیا تک کے اس سفر کے دوران اسے تقریباً 13,000 میل کی مسافت طے کرتے ہوئے 23 ممالک سے گزرنا ہے اور 50 کے قریب ریفیولنگ سٹاپ کرنے ہیں۔