فیروزوالا(نامہ نگار)تحصیل فیروزوالا اور ڈسٹرکٹ شیخوپورہ بھر میں بلدیاتی الیکشن دوسرے مرحلے کے سلسلے میں1535پولنگ سٹیشن قائم کردیئے۔ جن میں337 پولنگ سٹیشن کو حساس قرار دے دیئے ہیں۔ پولنگ کے دوران سکیورٹی کے سخت انتظامات کئے گئے، رینجرز کے علاوہ پولیس کے پانچ ہزار اہلکار تعینات جن میں چار ایس پی ، 31ڈی ایس پی، انسپکٹرز ڈیوٹی دیں گے۔ چار سیکٹر بنائے گئے ہیں۔ ضلع بھر میں 19نومبر کو 10میونسپل کمیٹیوں اور 99یونین کونسلوں میں پولنگ ہوگی۔ تین یونین کونسلوں کے چیئرمین اور85کونسلرز بلامقابلہ کامیاب ہوچکے ہیں۔ کامیاب ہونے والے تینوں چیئرمین مسلم لیگ ن کے ہیں۔ جن میںرانا احمد عتیق انور ضلع کونسل کے مضبوط امیدوار ہیں۔