لاہور + فیروزوالہ (نامہ نگار) مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا جبکہ مزاحمت پر نوجوان کو فائرنگ کر کے زخمی کردیا۔ باغبانپورہ میں 30سالہ احسان موٹرسائیکل پر جارہا تھا کہ دوڈاکوئوں نے اسے روک کر لوٹنے کی کوشش کی۔ اس دوران احسان نے مزاحمت کی تو ڈاکوئوں نے اسے فائرنگ کر کے زخمی کردیا اور ہزاروں روپے نقدی و موبائل فون لوٹ کر فرار ہو گئے۔ رائیونڈ میں انجینئرنگ فیکٹری میں دیواریں پھلانگ کر چار ڈاکو گھس آئے اور سکیورٹی گارڈز کو یرغمال بنا کر کیبل سمیت 16لاکھ روپے مالیت کاسامان لوٹ کر فرار ہو گئے۔ نواب ٹائون میں حکیم اعجاز اور اس کی فیملی سے ایک لاکھ 30ہزار، مصطفی ٹائون میں اصغر اور اس کی فیملی سے ایک لاکھ 20ہزار، یکی گیٹ میں شاہد سے ایک لاکھ 10ہزار، چوہنگ میں مدثر اور اس کی فیملی سے 85ہزار کی نقدی، طلائی زیورات اورموبائل فون، نصیر آباد میں نعیم سے 95ہزار اور موٹرسائیکل، فیکٹری ایریا میں میاں آٹوز سے 50ہزار، مزنگ میں اکرم سے 40ہزار اور موبائل فون، شمالی چھائونی میں حسین کی دکان سے 29ہزار اور موبائل فون، ڈیفنس سی میں سلیم سے 13ہزار اور موبائل فون لوٹ لیا۔ چوروں نے ہربنس پورہ میں واقع ممتاز بی بی کی حویلی سے چار عدد راس بھینسیں، دوکٹے، ایک کٹی اور موٹرسائیکل، برکی میں صدیق کے گھر سے 9لاکھ، ڈیفنس اے میں عدنان کے گھر سے 8لاکھ، گلشن راوی میں عمر کے گھر سے7 لاکھ، طلائی زیورات اور دیگر سامان چوری کرلیا۔ چوروں نے مزنگ سے میں اشرف، سول لائن میں جواد، مسلم ٹائون میں قربان، سمن آباد میں عمران، گلشن راوی میں جبار، جوہرٹائون میں سے واحد کی گاڑیاں جبکہ اسلام پورہ میں سے نذیر، قلعہ گجر سنگھ میں مظفر، گلشن اقبال میں فقیر، سندر میں اعظم، مناواں میں کرامت، ہربنس پورہ میں فیصل، کاہنہ میں یونس، نشتر کالونی میں طارق، اچھرہ میں سے سلمان کی موٹرسائیکلیںچوری کر لی ہیں۔ فیروزوالہ میں لاہور روڈ پر بائی پاس کے قریب ڈاکوئوں نے گن پوائنٹ پر ایک فیکٹری کی گاڑی روک کر منیجر باسط کو جان سے مار دینے کی دھمکی دے کر ساڑھے تین لاکھ روپے چھین لئے۔ بیرون ملک سے آنے والے شہری حاکم علی کے گھر میں گھس کر اہل خانہ کو یرغمال بنا کر لاکھوں روپے کی رقم پاکستانی، غیرقانونی اور زیورات موبائل چھین لئے جبکہ حاکم علی کی بہن کے کانوں سے طلائی بالیاں بھی نوچ لیں جس سے ان کے کان زخمی ہو گئے۔ ڈاکوئوں نے خاتون شبانہ سے پرس چھین لیا۔ نامعلوم افراد نے توقیر اور احمد نور کی موٹرسائیکلیں چوری کرلیں۔