لاہور(سپورٹس رپورٹر+نمائندہ سپورٹس) سپورٹس بورڈ پنجاب کی بوائز اور گرلز کی ٹیموں نے بین الصوبائی بیڈمنٹن چیمپئن شپ جیت لی، فائنل میں بوائز کی ٹیم نے خیبر پی کے کی ٹیم کو 3-0جبکہ گرلز نے بھی خیبر پی کے کی ٹیم کو اسی مارجن سے شکست دی۔ بوائز کی ٹیم میں احمد، قاسم، مرتضٰی، راجہ ذوالقرنین اور گرلز کی ٹیم میں ایمل، ایمن، زینب، ثمرین اور حادیہ نے شاندار کھیل کا مظاہرہ کیا۔ ایمل اور قاسم بیسٹ کھلاڑی قرار پائے۔ دونوں کو15،15ہزار روپے کیش انعام دیا گیا۔ فائنل کے مہمان خصوصی چیف کمشنر اسلام آباد ذوالفقار حیدر تھے۔ رکن قومی اسمبلی دانیال عزیز نے سپورٹس بورڈ پنجاب کی فاتح ٹیم کو 70 ہزار روپے کیش انعام دیا۔