گوجرانوالہ (نمائندہ خصوصی) گوجرانوالہ میں مسلم لیگ ن کے چیئرمین کے امیدوار نے جیت کی خوشی منانے کے لئے انوکھا طریقہ اختیار کرتے ہوئے ڈالروں کی بارش کردی۔ چیئرمین کے امیدوار رضوان اسلم بٹ نے جیتنے کے بعد خوشی کا اظہار کرنے کے لئے آتش بازی کی، ڈھول کی تھاپ پر رقص بھی کیا اور لوگوں میں مٹھائی بھی بانٹی لیکن اس سے تسلی نہ ہونے پر انہوں نے گھر کی چھت پر جاکر ڈالرز کی بارش کردی۔ ڈالروں کو اپنی طرف آتا دیکھ کر گلی میں موجود لوگ اس پر ٹوٹ پڑے۔