لاہور (نمائندہ سپورٹس) آئی بی ایس ایف ورلڈ سنوکر چیمپئن شپ میں عالمی ٹائٹل جیتنے کی پاکستان کی آخری امید بھی دم توڑ گئی، محمد آصف پری کوارٹر فائنل میں تھائی کیوئسٹ کے ہاتھوں اعصاب شکن مقابلے کے بعد 5-4 فریمز سے شکست کے بعد ٹائٹل کی دوڑ سے باہر ہو گئے۔ محمدسجاد، شہرام چنگیزی اور عبدالستار پہلے ہی ایونٹ سے باہر ہو چکے ہیں۔ مصر میں جاری میگا چیمپئن شپ میں آٹھ فریمز تک مقابلہ برابر تھا،فیصلہ کن فریم میں تھائی کیوئسٹ نے آصف کو 86-14 سے ہرا کر میچ میں کامیابی اپنے نام کی۔