لاہور(سپورٹس رپورٹر) پاکستان بیڈمنٹن فیڈریشن کے زیر اہتمام آل پاکستان رینکنگ بیڈمنٹن کے مقابلے گذشتہ روز بھی نیو خان ہال میں جاری رہے جن میں مینز کے پری کوارٹر فائنلز جبکہ ویمنز کے سنگلز مقابلے منعقد ہوئے۔ ویمنز سنگلز میں مسز میمونہ، غزالہ صدیق، سارہ مہمند، جویریہ طاہر، مریم، بشریٰ قیوم، جویریہ اور اقصیٰ ذکریا نے اپنی حریف کھلاڑیوں کو شکست دیکر دوسرے روانڈ کے لیے کوالیفائی کر لیا جبکہ مینز کے کھیلے جانے والے پری کوارٹر فائنل مقابلوں میں مراد علی، وقاص اسلم، وقاص احمد، عبدالرحمان، حارث بشیر اور عرفان سعید نے اپنے حریف کھلاڑیوں کو شکست دیکر کوارٹر فائنل میں جگہ بنا لی۔