تونسہ: بس کی موٹر سائیکل کو ٹکر، باپ بیٹے سمیت 3 افراد جاں بحق
ڈیرہ غازی خان(آن لائن) ڈیرہ غازی خان کی تحصیل تونسہ میں تیز رفتار بس کی ٹکر سے باپ بیٹا سمیت ایک ہی خاندان کے 3افراد جاں بحق ہوگئے ہیں۔پولیس کے مطابق تحصیل تونسہ میں انڈس ہائی وے ٹبی قیصرانی کے مقام پر تیز رفتار بس نے مخالف سمت سے آنے والی موٹر سائیکل کو ٹکر مار دی۔ حادثے میں باپ بیٹا سمیت ایک ہی خاندان کے تین افراد موقع پر ہی جاں بحق ہوگئے۔واقعہ کے بعد بس ڈرائیور فرار ہوگیا ،پولیس نے ضروری کارروائی کے بعد نعشوں کو ورثا کے حوالے کردیا ہے جبکہ ڈرائیور کی تلاش جاری ہے۔
