لاہور (این این آئی) گلوکارہ نرمل شاہ نے کہا ہے کہ حکومت کو لائوڈ سپیکر ایکٹ پر نظرثانی کرنی چاہئے، اس پابندی کی وجہ سے گلوکار بری طرح متاثر ہو رہے ہیں۔ گلوکار خوشی کی تقریبات میں فن کا مظاہرہ کرکے آمدنی حاصل کرتے تھے لیکن لائوڈ سپیکر ایکٹ کے نفاذ کی وجہ سے شدید پریشانی کا شکار ہیں۔ حکومت سے مطالبہ ہے کہ شادی بیاہ کی تقریبات کا وقت دس بجے سے بڑھا کر 12 بجے تک کیا جائے تاکہ گلوکاروں اور میوزیشنز کے گھروں کے چولہے جلتے رہیں۔