وفاقی بجٹ میں تاجروں‘ صنعتکاروں کی کوئی تجویز منظور نہیں کی گئی: بزنس مین پینل
لاہور (کامرس رپورٹر) بزنس مین پینل FPCCI) (کے ایک نمائندہ وفد نے چیئرمین بزنس مین پینل سلطان احمد چائولہ کی سربراہی میں اوکاڑہ چیمبر کا دورہ کیا ۔ وفد میں ایف پی سی سی آئی کے صدارتی امیدوار سینیٹر حاجی غلام علی ‘ نائب چیئرمین بزنس مین پینل میاں زاہد حسین ‘ چیئرمین پنجاب ریجن میاں انجم نثار‘ ایف پی سی سی آئی کے سابق نائب صدر حاجی فضل الٰہی ‘ لاہور چیمبر کے سابقہ صدور سہیل لاشا ری و میاں شفقت علی، طاہر جاوید ملک، میاں نعمان کبیر، ظہیر بھٹہ ‘ بائو محمد بشیر ‘ راجہ وسیم ‘ و دیگر بزنس کمیونٹی کی اہم شخصیات اور ایف پی سی سی آئی کے ایگزیکٹیو و جنرل باڈی ممبران موجود تھے۔ چوہدری ارشد اقبال ‘ صدر شیخ محمد اقبال ، ای سی ممبر محمد ندیم ظفر، قمر عباس و دیگر عہدیداران وممبران نے وفد کا استقبال کیا۔
