فیروزوالا، جھنگ اورخانیوال میں 3 خواتین سے زیادتی
فیروزوالا + جھنگ + خانیوال (نامہ نگاران+نوائے وقت رپورٹ) فیروزوالا ، جھنگ، اورخانیوال میں 3 خواتین سے زیادتی کی گئی۔ قصبہ مسن (تھانہ فیکٹری ایریا) میں محنت کش عبدالغفارکی بیوی (ر) کو شراب کے نشہ میں مست عمران زبردستی اسلحہ تان کر زمیندارکے ڈیرہ پر لے گیا اورجان سے مارنے کی دھمکی دے کر اس کے ساتھ زیادتی کرڈالی۔علاوہ ازیں بستی دیوان والی جھنگ شہر کی مسماۃ (ر۔ب) نے تھانہ سٹی پولیس کو بتایا چند یوم قبل رات کو لیاقت علی نے مبینہ طور پر اس کی زیادتی کی۔ خانیوال میں 40 سالہ خاتون سے مبینہ زیادتی کی گئی۔ پولیس کے مطابق ملزمان نے زیادتی سے پہلے خاتون کو اغواء کیا ملزم عارف شوکت اظہر خاتون کو بالوں سے پکڑکرگھسیٹتے رہے زیادتی کے بعد ملزمان ہوائی فائرنگ کرتے ہوئے فرارہوگئے۔
