مہمند ایجنسی+ پشاور (نامہ نگار+ بیورو رپورٹ+ ایجنسیاں) مہمند ایجنسی، تحصیل صافی کے علاقہ شیخ بابا گلونو پوسٹ پر افغانستان کی طرف سے آنے والے دہشت گردوں نے حملہ کردیا جس سے ایک سکیورٹی اہلکار شہید ہو گیا۔ سکیورٹی فورسز کی بھرپور جوابی کارروائی سے حملہ پسپا ہو گیا اور 4 دہشت گرد مارے گئے جبکہ 5 زخمی ہو گئے۔ تفصیلات کے مطابق بدھ اور جمعرات کے درمیانی شب تحصیل صافی پاک افغان سرحدی علاقہ میں سکیورٹی فورسز کے شیخ بابا گلونو پوسٹ پر افغانستان کی طرف سے دہشت گردوں نے حملہ کر دیا جس پر فورسز نے فوری جوابی کارروائی شروع کی، دو طرفہ فائرنگ کا تبادلہ دو گھنٹے تک جاری رہا۔ سکیورٹی ذرائع کے مطابق فورسز کی جوابی کارروائی میں 4 دہشت گرد ہلاک اور 5 زخمی ہو گئے۔ پولیٹیکل انتظامیہ کے مطابق افغانستان کی طرف سے درجنوں دہشت گردوں نے سرحد پار سے پاکستانی فورسز کے پوسٹ پر اچانک حملہ کر دیا۔ اس دوران سکیورٹی فورسز کا ایک اہلکار شہید ہوگیا جبکہ 2 زخمی ہو گئے۔ علاوہ ازیں محکمہ انسداد دہشت گردی فورس اور پشاور پولیس نے مشترکہ کارروائی کے دوران تھانہ پشتہ خرہ موبائل وین پر حملہ کرنے والے دہشت گردوں کے سہولت کار احسان اللہ کو گرفتار کرلیا ہے۔ مذکورہ حملہ میں ایک کانسٹیبل شہید جبکہ اے ایس آئی سمیت تین اہلکار زخمی ہوئے تھے گرفتاری کے بعد ملزم احسان کو انسداد دہشت گردی کی خصوصی عدالت میں پیش کیا گیا جسے عدالت نے چار روزہ جسمانی ریمانڈ پر تھانہ پشتہ خرہ کی تحویل میں دے دیا ہے۔ ادھر ڈیرہ اسماعیل خان میں میرن شوگر ملز کو پولیس اور بم سکواڈ عملہ نے ملز کے بوائلرز کو روسی ساختہ میزائل کے ذرےعے تباہ کرنے کا منصوبہ ناکام دےا۔ نامعلوم دہشت گردوں نے میرن شوگر ملز کے اندرملزکے بوائلرزکے ساتھ بیس بیس کلوکے دو روسی ساختہ 107R میزائل فٹ کردےئے۔ واقعہ کی اطلاع پر مقامی پولیس کو بی ڈی اےس کا عملہ موقع پر پہنچ گےا اور اس نے دہشت گردی کا منصوبہ ناکام بنا دیا اور میزائلوں کو ناکارہ بنا دیا۔ ادھر پشاور سے بھاری مقدار میں اسلحہ پنجاب سمگل کرنے کی کوشش ناکام بنا دی گئی اور ایک گاڑی سے 30ہزار سے زائد کارتوس، رائفلیں اور پستول برآمد کرلئے گئے۔ ادھر خیبر ایجنسی کی تحصیل جمرود میں خاصہ دار فورس کے اہلکار حساب خان کی نعش برآمد ہوئی ہے جو پانچ دن پہلے نامعلوم افراد نے فورسز کے ایک چیک پوسٹ سے اغوا کیا تھا۔
مہمند ایجنسی/ اہلکار شہید