اسلام آباد (نیٹ نیوز) دنیا بھر میں پایا جانے والا عمومی تاثر ہے، ائرہوسٹس وہ اچھی لگتی ہے جو شوخ و چنچل اور دبلی پتلی ہو لیکن پی آئی اے کی بات ہمیشہ انوکھی ہی ہوتی ہے، قومی ائر لائن نے فضائی میزبان کی حد عمر 60 سال کردی ہے، سونے پر سہاگہ یہ پی آئی اے کے طیارے بھی بوڑھے ہیں۔ اب دیکھنا یہ ہے کہیں دوران پرواز اچانک جھٹکا لگ گیا تو معمر میزبان خود کو سنبھالیں گی یا مسافروں کو دلاسہ دیں گی۔ 60 سالہ ہوسٹس اور اس پر جدید فیشن کے ملبوسات کا تڑکہ کیسا لگے گا، اس بات کا اندازہ تو اس وقت ہو سکے گا جب کوئی بزرگ میزبان آپ کے سامنے رونق افروز ہو گی۔