لاہور+ فیروزوالہ (نامہ نگاران) لاہور میں 43 لاکھ سے زائد کی وارداتیں‘ فیروزوالہ میں مزاحمت پر گولی مار کر نوجوان کو زخمی کردیا۔ جوہر ٹائون کے رہائشی نعیم خالد کے گھر سے 30لاکھ روپے مالیت کی نقدی، زیورات اور دیگر سامان چوری کرلیا ہے۔ ڈاکوئوں نے نشتر کالونی کے رہا ئشی حامد شیخ کے گھر اہل خانہ کو گن پوائنٹ پر یرغمال بنا کر 6لاکھ روپے، سبزہ زار ایف بلاک میں ملک بوٹا اور اسکی فیملی سے 3لاکھ روپے کی نقدی، طلائی زیورات،موبائل و دیگر سامان، باغبانپورہ محمود بو ٹی انٹرچینج کی ایک خاتون سمیت دوڈاکوؤں نے شہزاد سے ڈیڑھ لاکھ، موبائل اور موٹرسائیکل، ہربنس پورہ چوک گلشن پارک میں تین ڈاکوئوں نے ناکہ لگا کر موٹرسائیکل سوار نواز اور اس کے دوست اقبال سے 56ہزار اور دو موبائل، پک اپ سوار الطاف اور آصف سے 60ہزار اور موبائل، ٹاؤن شپ رحمت آئی ہسپتال کے سامنے یو نس سے 80ہزار، موبائل اور لیپ ٹاپ، ہنجر وا ل حسنین پارک میں عمران اور اس کے دوست سے60ہزار اور موبائل، نشتر کالونی اللہ ہو پل پر ویگن ڈرائیور اسلم سے 32ہزار اور موبائل، شاہدرہ علم دین کالونی میں عالم سے 22ہزار اور موبائل، اسلام پورہ میںاشفاق سے20ہزار اور موبائل، گارڈن ٹاؤن انڈر پاس کے قریب سعید اللہ سے 12 ہزار اور موبائل لوٹ لیا۔ چوروں نے ڈیفنس سے فرحان، شفیق آباد سے عدیل، نصیر آباد سے فاروق کی کاریں جبکہ شادباغ سے عارف اقبال ٹاؤن سے محمد علی، ستوکتلہ سے نوشاد، جوہر ٹائون سے اشفاق، ستوکتلہ سے تنویر، سبزہ زار سے شہزاد، ڈیفنس اے سے اکرم، موچی گیٹ سے شہباز کی موٹر سائیکلیں چوری کر لی ہیں۔ فیروزوالہ سے نامہ نگار کے مطابق نامعلوم افرا نے اصغر علی کی کار، قیصر احمد کی سوزوکی وین، فضل کریم، مختار کی موٹرسائیکلیں چوری، فیض پور کے قریب ڈاکوئوں نے رکشہ روک کر ڈرائیور کو لوٹ لیا جبکہ ڈاکوئوں نے نوجوان حماد سے رقم اور موبائل چھین لیا، مزاحمت پر اسے گولی مار کر زخمی کردیا۔ رحمانیہ کالونی مریدکے میں اشفاق کے گھر سے 9لاکھ 80ہزار روپے کی رقم چوری ہو گئی۔ پولیس نے اس کی بھاوج اور دگر افراد کے خلاف چوری کا مقدمہ درج کرلیا ہے۔ چوروں نے اعجاز کے گھر میں گھس کر ہزاروں روپے کا سامان نقدی چوری کرلی۔