پشاور (آئی این پی+ نوائے وقت رپورٹ) خورشید شاہ نے کہا ہے کہ بجٹ سال میں ایک ہی بار پیش ہوتا ہے، بار بار نہیں۔ حکومت نے سال میں 3 بار بجٹ لانا وطیرہ بنا لیا ہے۔ پشاور میں میڈیا سے بات کرتے ہوئے انہوں نے کہا کہ عوام پر ٹیکسوں کا مزید بوجھ ڈالا جا رہا ہے۔ اپوزیشن اس کی مخالف ہے۔ سندھ میں دہشتگردی میں کمی آئی ہے، حالات کی بہتری کی کوشش کر رہے ہیں۔ پیپلزپارٹی کے شریک چیئرمین کے انتخاب کا فیصلہ سنٹرل کمیٹی کرے گی۔ دوسری جانب خورشید شاہ نے زلزلہ زدگان کیلئے امدادی سامان پی ڈی ایم اے کے حوالے کر دیا۔ امدادی سامان میں 50ہزار کمبل اور 3 جنریٹر شامل ہیں۔