گجرات (نامہ نگار) سلام کے جواب میں بااثر زمیندار نے محنت کش نوجوان پر پالتو کتا چھوڑ دیا۔ آہنی زنجیروں سے نوجوان پر تشدد شدید زخمی کردیا۔ تفصیل کے مطابق تھانہ صدر گجرات کے علاقہ چک بھولا کے ایلومینیم شاپ پر ملازم محنت کش 19سالہ سلیمان نے علاقہ کے بااثر زمیندار سبط جٹ کو سلام کیا تو زمیندار نے سلام کا جواب دینے کی بجائے گالیاں دیتے ہوئے زنجیروں سے پیٹ ڈالا اور اپنا پالتو کتا اُس پر چھوڑ دیا کتے کاٹنے سے اس کے بازو ں اور ٹانگوں پر گہرے زخم آئے۔ علاقے کے لوگوں نے سلیمان کی مداخلت کرتے ہوئے جان خلاصی کرائی تھانہ صدر گجرات نے سبط جٹ کیخلاف مقدمہ درج کرکے اسے گرفتار کر لیا دوسری جانب وزیراعلیٰ نے واقعہ کا نوٹس لے کر رپورٹ طلب کر لی ایس ایچ او تھانہ صدر گجرات فراست چٹھہ نے بتایا کہ کتے کو تحویل میں لیکر سبط جٹ کو گرفتار کر کے جیل منتقل کر دیا گیا ہے۔