لاہور+فیصل آباد +میانوالی + کندیاں (نامہ نگاران+نمائندہ خصوصی ) مختلف وجوہات پر رائے ونڈ، میانوالی میں 3 نوجوانوں فیصل آباد میں فیکٹری ملازم نے زندگی ختم کرلی۔رائیونڈ کے علاقہ میں 26 سالہ نوجوان نے بیوی سے جھگڑے پر دلبرداشتہ ہوکرکیمیکل پی کرزندگی ختم کرلی۔جلال پورگاؤں کے 26 سالہ عدنان کی دو سال قبل شادی ہوئی تھی لیکن اب تک ان کی کوئی اولاد نہیں ہوئی تھی جس پر میاں بیوی سے اکثر جھگڑا رہتا گذشتہ روز بھی بیوی سے جھگڑا ہوگیا جس پر عدنان نے کیمیکل پی لیا۔ہسپتال میں دم توڑ دیا۔عدنان مقامی فیکٹری میں ملازمت کرتا تھا۔ پولیس کے مطابق لواحقین نے کسی قسم کی کارروائی کرانے سے انکارکر دیا ہے۔ فیصل آباد میں فیکٹری مزدور نے نامعلوم وجوہ پر گلے میں پھندا لے لیا۔ مقامی ٹیکسٹائل ملز کے قریب چالیس سالہ شہباز نے گذشتہ روز خود کوکمرے میں بند کرکے چھت کے ساتھ پھندا لے کر جان دے دی۔ میانوالی کے نواحی علاقہ علووالی کے نوید اقبال جس نے دو شادیاں کی ہوئی تھیں تیسری شادی کی اجازت نہ ملنے پر اور مہنگائی اور زیادہ اخراجات کیلئے وسائل نہ ہونے پر اپنے آپ کو گولی مار کر خودکشی کر لی۔ پہاڑی علاقہ کیسکا میں عبدالرحمن نوجوان نے بے روزگاری کی وجہ سے زہریلی گولیاں کھا لیں۔