واشنگٹن (اے پی پی) امریکی صدر بارک اوباما اور مشیل اوباما کے درمیان ہوئی پہلی ’ڈیٹ‘ یا ملاقات پر بننے والی رومانوی فلم آئندہ سال سنڈینس فلم فیسٹیول میں نمائش کے لیے تیار ہے۔ ساؤتھ سائیڈ ود یو نامی اس فلم میں 1989ء کے موسم گرما کی وہ دوپہر دکھائی گئی ہے جب شکاگو میں مستقبل کے امریکی صدر نے اپنی مستقبل کی خاتون اول اور اس وقت کی مشیل رابنسن کو شادی کی پیش کش کی تھی۔ سنڈینس فلم فیسٹیول آئندہ سال 21 سے 31 جنوری تک امریکی ریاست یوٹا میں منعقد ہو گا۔