گجرات (نامہ نگار) دو گروپوں کے درمیان فائرنگ کے تبادلہ میں 10سالہ بچہ اور اے ایس آئی سمیت 3 افراد جاں بحق، دو زخمی ہو گئے۔ تفصیلات کے مطابق تھانہ دولت نگر کے گائوں سرائے ڈھنگ کے رہائشی ق لیگ کے بدر گروپ اور مظہر اقبال گروپ کے درمیان عرصہ سے دشمنی چلی آرہی تھی، گزشتہ روز دونوں گروپوں میں تلخ کلامی کے بعد فائرنگ شروع ہو گئی جس کی زد میں آکر گائوں کا رہائشی 10سالہ عامر، بدر گروپ کا اے ایس آئی انصر، مظہر گروپ کا مظہراقبال ہلاک ہو گئے جبکہ ق لیگ کے وائس چیئرمین بدر افضل اور سابق چیئرمین حاجی اقبال زخمی ہو گئے جنہیں ہسپتال پہنچا دیا گیا۔ ہلاک ہونیوالا اے ایس آئی انصر تھانہ سٹی لالہ موسیٰ میں تعینات تھا پولیس نے نعشیں اور زخمی افراد کو ہسپتال پہنچا دیا۔