سرینگر (اے این این/ آئی این پی /) مقبوضہ جموں کشمیر کے علاقے بیج بہاڑہ میں مجاہدین کا قابض فوج کے قافلے پر گھات لگا کر حملہ، 2اہلکار واصل جہنم، 7زخمی، مجاہدین بچ نکلنے میں کامیاب ہوگئے۔ واقعہ کے بعد بھارتی فوج نے جموں سرینگر شاہراہ بند کرکے علاقے میں تلاشی کارروائیاں کرکے بچوں سمیت 20افراد کو گرفتار کرلیا۔ دریں اثناء مقبوضہ کشمیر میں ہندو مہا سبھا لیڈر کملیش تیواری کے متنازعہ بیان کے خلاف ہڑتال کی گئی ،تمام کاروباری مراکز ،تعلیمی ادارے بند اور سڑکیں سنسان رہیں۔