گوجرانوالہ (نمائندہ خصوصی) فقیرپورہ میں داماد نے گھر میں گھس کر سسر، سالے اور دوسرے سالے کی بیوی کو فائرنگ کر کے قتل کر دیا۔ بتایا گیا ہے کہ محلہ فقیر پورہ ٹوکے والا بازار کے رہائشی غلام حیدر کے گھر میں اس کے داماد عبدالستار نے گھریلو تنازع پر اندھا دھند فائرنگ کر دی جس سے سسر غلام حیدر، اس کا بیٹا مظہر اور دوسرے بیٹے کی بیوی روبینہ موقع پر ہی دم توڑ گئیں۔ واقعہ کی اطلاع پا کر تھانہ سیٹلائٹ ٹائون پولیس نے نعشیں قبضہ میں لے کر ضروری کارروائی کیلئے ڈسٹرکٹ ہسپتال منتقل کر کے کارروائی شروع کر دی جبکہ ملزم فرار ہو گیا۔