جدہ + کراچی (نمائندہ خصوصی+ سٹاف رپورٹر) سا بق صدر زرداری اور رحمان ملک عمرہ کی ادائیگی کیلئے چارٹرڈ جہاز میں دبئی سے جدہ پہنچ گئے۔ کنگ عبد العزیز انٹرنیشنل ایئرپورٹ پر سعودی پروٹوکول کے افسروں اور قونصل جنرل پاکستان شہریار اکبر خان نے استقبال کیا۔ آج رات وہ عمرہ کرینگے اور روضہ رسول پر حاضری کیلئے مدینہ منورہ بھی جائینگے۔ زرداری کے ہمراہ سابق صوبائی وزیر سید اویس مظفر بھی تھے۔