کراچی (نمائندہ نوائے وقت) کراچی کے مختلف علاقوں میں فائرنگ اور پر تشدد واقعات میں خاتون سمیت 2افراد ہلاک ہوگئے ۔کورنگی کے علاقے باب کورنگی کے قریب فائرنگ سے ایک شخص جاں بحق ہوگیا۔ پولیس کے مطابق فائرنگ کا واقعہ ڈکیتی کے دوران پیش آیا اور ڈاکوؤں نے دوست احمد کو فائرنگ کرکے قتل کر دیا۔ ادھر ملیر کے علاقے جمعہ گوٹھ سے 20سالہ لڑکی کی نعش برآمد ہوئی ہے۔ کراچی کے علاقے لیاری میں 2جرائم پیشہ گروہوں میں تصادم کی نتیجے میں 2 بچیوں سمیت 4افراد زخمی ہو گئے۔