27 دسمبر کو پارٹی کارکن خون کے عطیات جمع کرائیں گے، بلاول کا اعلان
کراچی (آن لائن) پیپلزپارٹی کے چیئرمین بلاول بھٹو زرداری نے اعلان کیا ہے کہ 27 دسمبر کو سابق وزیراعظم بینظیر بھٹو کی 8 برسی کے موقع پر پورے ملک میں پارٹی کارکنان اور جیالے خون کے عطیات جمع کرائیں گے۔ یہ عطیات دہشت گردی کیخلاف جنگ میں زخمی ہونے والے فورسز کے سپاہیوں اور مریضوں کے فلاح کے لئے کام کرنے والے اداروں کیلئے دئیے جائیں گے۔ بلاول بھٹو زرداری نوڈیرو ہاؤس میں پارٹی کے مرکزی و صوبائی رہنماؤں کے ساتھ اپنے خون کا عطیہ دینگے اور گڑھی خدا بخش میں جلسے سے خطاب کریں گے۔
