سکھر: ٹریفک حادثہ میں جاں بحق افراد کی تعداد 6 ہو گئی، مرنے والوں میں دلہا اور دلہن بھی شامل
سکھر (اے این این) سکھر میں گزشتہ روز حادثہ میں جاں بحق ہونے والوں کی تعداد 6 ہو گئی۔ جاں بحق ہونے والوں میں دلہا اور دلہن بھی شامل ہیں۔سکھر کے علاقے ٹائون شپ کے رہائشی دلہے عثمان اور دلہن بشریٰ اپنے ولیمے کی تقریب میں شرکت کے بعد واپس آرہے تھے سٹی بائی پاس پر راولپنڈی سے کراچی آنے والی مسافر کوچ ان کی کار سے ٹکرا گئی۔ حادثہ سٹی بائی پاس کے قریب پیش آیا راولپنڈی سے کراچی جانے والی مسافر کوچ مخالف سمت سے آنیوالی کار سے ٹکرا گئی۔ کار میں سوار عثمان اور بشریٰ کے علاوہ 3 خواتین اور ایک بچہ موقع پر ہی جاں بحق، زندگی کی بازی ہارنے والی خواتین کی شناخت کرن، ہما اور سویرا کے نام سے ہوئی ہے جب کہ عدنان کی حالت تشویش ناک ہے۔
