پیرس حملہ سے تعلق بیلجیئم میں 5 افراد گرفتار
برسلز (اے ایف پی) بیلجیئن پولیس نے پیرس حملہ سے تعلق کے الزام میں اب تک 5 افراد گرفتار کرلئے ہیں جن میں دو بھائی بھی شامل ہیں۔ پیر کے روز پراسیکیوٹر نے بتایا کہ پولیس نے دو بھائیوں اور تیسرے شخص کو اتوار کے روز وسطی برسلز میں گرفتار کیا گیا ہے۔ پراسیکیوٹر کی جانب سے جاری بیان میں کہا گیا کہ گرفتاریاں فون ریکارڈ کے مکمل تجزیئے کی بنیاد پر عمل میں آئیں۔ تیسرا شخص ان دو بھائیوں کا دوست تھا۔ دو دوسرے افراد کو پیر کے روز کیلن سے گرفتار کیا گیا۔ ان کارروائیوں کے دوران کوئی دھماکہ خیز مواد یا ہتھیار برآمد نہیں ہوئے۔ بیان میں گرفتار ہونیوالوں کی شناخت ظاہر نہیں کی گئی۔ پولیس اب بھی برسلز میں پیدا ہونے والے 26 سالہ صلاح عبدالسلام کو تلاش کر رہی ہے۔
