فیصل آباد (نوائے وقت رپورٹ) طالبان سے تعلق کے جرم میں قید امریکی نوجوان اپنڈکس کی تکلیف میں مبتلا ہو گیا۔ نجی ٹی وی نے جیل ذرائع کے حوالے سے بتایا کہ امریکی نوجوان ریمی زیم زیم کا سول ہسپتال میں اپنڈکس کا کامیاب آپریشن ہوا۔ اسے سپیشل روم میں منتقل کردیا گیا ہے۔ نجی ٹی وی نے جیل ذرائع کے حوالے سے بتایا کہ امریکی نوجوان ریمی زیم زیم کو تکلیف کے باعث سنٹرل جیل سے سول ہسپتال منتقل کیا گیا۔ امریکی نوجوان کے داخل ہونے پر سول ہسپتال میں ایلیٹ فورس تعینات کر دی گئی۔ ریمی زیم زیم کو 9 دسمبر 2009ء میں سرگودھا سے چار امریکی ساتھیوں کے ساتھ گرفتار کیا گیا تھا۔ پانچوں امریکی نوجوانوں کو انسداد دہشت گردی کی عدالت نے 15 سال قید کی سزا سنائی تھی۔