پشاور(آئی این پی)پشاور سے متحدہ عرب امارات جانے والی نجی ائر لائنز کی پرواز میں تاخیر ہونے پر مسافر سراپا احتجاج بن گئے۔پشاور کے باچا خان انٹرنیشنل ایئر پورٹ سے نجی ائر لائنز شاہین کی پرواز این ایل 792 نے صبح آٹھ بجے شارجہ روانہ ہونا تھا، تاہم اس کی روانگی میں تاخیر کا اعلان کر دیا گیا۔ جس پر مسافر ائر پورٹ کے لاؤنج میں سراپا احتجاج بن گئے۔ جن کا کہنا تھا کہ دور دراز سے آئے مسافروں کو پہلے چھ بجے ائر پورٹ پہنچنے کا بتایا گیا تھا اور پرواز کو آٹھ بجے روانہ ہونا تھا۔تاہم اس میں تاخیر کا کہہ کر دن بارہ بجے کی روانگی کا وقت بتایا گیا ہے۔