مہمند ایجنسی (نامہ نگار) مہمند ایجنسی کے علاقہ حدکور میں ٹیکسی موٹر کار بارودی سرنگ سے ٹکرا نے کے نتیجے میں 2 بچوں سمیت 3 افرادجاں بحق اور 2 بچے زخمی ہوگئے۔ تحصیل امبار کے علاقہ حد کور سور ڈاگے میں کچے روڈ پر ایک ٹیکسی موٹر کار بارودی سرنگ سے ٹکرا کر دھماکے میں مکمل تباہ ہوئی جس کے نتیجے میں مقامی ڈرائیور ذاکر شاہ اور گاڑی میں سوار 2 بچے موقع پر جاں بحق جبکہ 2 بچے شدید زخمی ہو گئے۔ بچوں کا تعلق گل محمد نامی مقامی باشندے کے گھرانے سے بتایا جاتا ہے۔