بانی پاکستان قائداعظم محمد علی جناح کا 139واں یوم ولادت آج منایا جائیگا
لاہور (خصوصی رپورٹر) بانی پاکستان قائداعظم محمد علی جناح کا 139واں یوم ولادت (آج) جمعہ 25 دسمبر کو لاہور سمیت ملک بھر میں منایا جائے گا اس سلسلے میں سیاسی و سماجی تنظیمیں تقریبات اور سیمینارز منعقد کر رہی ہیں جن میں قائداعظم کی سالگرہ کا کیک بھی کاٹا جائے گا اور بانی پاکستان کی قیام پاکستان کیلئے کی جانے والی عظیم جدوجہد کو خراج تحسین پیش کیا جائے گا۔ مزار قائد پر گارڈز کی تبدیلی کی تقریب بھی ہو گی جبکہ ملک بھر میں تقریبات کا اہتمام کیا جائیگا۔ مسلم لیگ (ن) لاہور کے زیر اہتمام ان کے دفتر میں ایک تقریب منعقد ہو گی جس میں قائداعظم کو خراج تحسین پیش کرنے کے ساتھ ان کی سالگرہ کا کیک کاٹا جائے گا۔
