ملتان: خودکشی کرنے والا مزدور، اس کی اہلیہ اور 4 بچے سپرد خاک، ہر آنکھ پرنم تھی
ملتان (اے پی پی) ملتان کے علاقے شریف پورہ میں 4 بچوں اور والدین کی نعشیں ورثاء کے حوالے کر دی گئیں۔ نماز جنازہ میں سینکڑوں افراد نے شرکت کی ،اس موقع پر ہر آنکھ پرنم تھی، پوسٹ مارٹم رپورٹ کے مطابق چاروں بچوں اور خاتون کو نشہ آور شے پلانے کے بعد گلا دبا کر، منہ پر ہاتھ رکھ کر مارا گیا ہے لٹکے ہوئے محنت کش کے گلے پر گہرے نشان پائے گئے ہیں۔ پولیس کے مطابق شریف پورہ میں محنت کش محمد اشفاق اس کی اہلیہ نسیم مائی اور چار بچے علیشہ ، علیزا، انس ، ایمان فاطمہ گھر میں مردہ حالت میں پائے گئے تھے محنت کش محمد اشفاق پھندہ سے لٹکاہوا پایا گیا تھا، پوسٹ مارٹم رپورٹ کے مطابق چاروں بچوں اور خاتون کے گلے پر نشانات ہیں ان کی موت سانس رکنے سے ہوئی۔
