نوڈیرو(آئی این پی) پیپلزپارٹی کی شہید چیئرپرسن اور سابق وزیراعظم بینظیر بھٹو کی 8ویں برسی آج بروز اتوار منائی جائیگی ، مرکزی تقریب گڑھی خدابخش میں ہوگی ہے۔ 9بجے قرآن خوانی سے تقریبات کا آغاز ہوگا، جیالوں کی آمد کا سلسلہ جاری ہے۔جلسے سے چیئرمین پیپلزپارٹی بلاول بھٹو زرداری ، خورشید احمد شاہ ، وزیر اعلیٰ سندھ اور دیگر رہنما خطاب کرینگے ،اس موقع پر سکیورٹی کے انتہائی سخت انتظامات کئے گئے ہیں، پولیس کی بھاری نفری گڑھی خدابخش بھٹو میں تعینات کردی گئی،گڑھی خدابخش اورنوڈیرو ہائوس پر 20واک تھرو گیٹس اورکلوزسرکٹ کیمرے نصب کئے گئے ہیں اور شہدا ء کے مزار کو پولیس کے سپیشل کمانڈوز نے اپنی حفاظتی تحویل میں لے رکھا ہے۔ شہداء کے مزارات کے3کلومیٹر کے فاصلے کو ریڈزون قراردیتے ہوئے 22پولیس چوکیاں قائم کردی گئیں ۔