لاہور ( سپورٹس رپورٹر) سپورٹس بورڈ پنجاب کے زیر انتظام ہونیوالی بین الصوبائی اتھلیٹکس چیمپئین شپ کے دوسرے روز پنجاب سٹیڈیم میں مقابلے جاری رہے،بوائز کی 2سو میٹر ریس میں سندھ کے عبدالمعید پہلے، پنجاب کے امداد حسن دوسرے اور پنجاب ہی کے محمد حسیب تیسرے نمبر پر رہے، 4سو میٹر ریس میں پنجاب کے حسن رضا نے پہلی، سندھ کے علی زین نے دوسری اور پنجاب سید افضل نے تیسری پوزیشن حاصل کی، 15سو میٹر ریس میں پنجاب کے دانش نواز پہلے،پنجاب ہی کے عادل سہوترا دوسرے اور خیبر پختونخوا کے فارس جان تیسرے نمبر پر رہے۔شاٹ پٹ کے مقابلوں میں کے پی کے کے حسیب اللہ، پنجاب کے رئیس یونس اور پنجاب صبغت اللہ نے بالترتیب پہلی، دوسری اور تیسری پوزیشن حاصل کی، ہیمر تھرو کے مقابلے میں پنجاب کے رئیس یونس نے میدان مار لیا، پنجاب کے صبغت اللہ دوسرے اور اسلام آباد کے مجاہد تیسرے نمبر پر رہے، جیولن تھرو میں کے پی کے کے پارس احمد نے پہلی، کے پی کے ہی شہاب خان نے دوسری اور پنجاب کے محمد اسد اللہ نے تیسری پوزیشن حاصل کی، لانگ جمپ میںپنجاب کے کاشف نواز، بلوچستان کے اخلاق اور پنجاب کے محمد عرفان، جبکہ ہائی جمپ میں پنجاب کے ذیشان، سندھ کے عبدالمعید اور کے پی کے پارس احمد نے بالترتیب پہلی دوسری اور تیسری پوزیشن حاصل کی۔