کویت میں بینظیر بھٹو کی برسی پر قرآن خوانی ،مقررین کا خراج عقیدت
کویت سٹی(نمائندہ خصوصی)کویت میں پیپلز پارٹی کی سابق چیئرپرسن بینظیر بھٹو شہید کی برسی کے موقعہ پر پیپلز پارٹی کویت کے زیر اہتمام برسی منائی گئی ، ایصال ثواب کے لئے قرآن خوانی اور حمد ونعت کا پیش کی گئی ، صدر کویت عتیق عدنان نے کہاکہ محترمہ بے نظیر بھٹو نے جمہوریت کے لئے قربانی دی اور آج کے حکمران محترمہ کے مرہون منت ہے لیکن آج کے حکمران بے وفائی کی علامت بن گئے ہیں ، میاں اشتیاق منیر احمد بٹ سائیں نوازسعیدکھوکھر اور محمد یونس شاہد نے بھی بے نظیر بھٹو کو خراج تحسین پیش کیا ،مقامی شاعر فیاض وردگ اور عماد بخاری نے شاعری میں محترمہ کو خراج عقیدت کا اظہار کیا ۔
