اسلام آباد (اے پی پی) پاکستان جوڈو فیڈریشن کے زیر اہتمام 24 ویں نیشنل سینئر اور 5 ویں جونیئر نیشنل جوڈو چیمپئن شپ میں شرکت کے لئے اسلام آباد سمیت دیگرٹیمیں پیرکو پشاور پہنچ گئیں۔ 5ویں جونیئر نیشنل جوڈو چیمپئن شپ 28 سے29 دسمبر تک جبکہ 24ویں نیشنل سینئر جوڈو چیمپئن شپ 30 سے31 دسمبر تک پشاور میں کھیلی جائے گی۔ ملک بھر سے14 ٹیمیں حصہ لیں گی جن میں چاروں صوبے، فاٹا، اسلام آباد، گلگت بلتستان، آزاد جموں کشمیر، آرمی ، ریلوے، پولیس، ایچ ای سی اور نیوی شامل ہیں۔ ایونٹ میں شاندار کارکردگی دکھانے والے کھلاڑیوں کو ساوتھ ایشین گیمز کی تیاری کیلئے کیمپ میں شامل کیا جائے گا۔ انہوں نے کہا کہ یہ ایونٹ پہلے کراچی میں منعقد ہونا تھی تاہم ناگزیر حالات کی وجہ سے اسے کراچی سے پشاور منتقل کر دیا گیا ہے۔