جونیئر نیشنل رینکنگ ٹینس ٹورنامنٹ آج شروع ہو گا
لاہور(سپورٹس رپورٹر) پاکستان ٹینس فیڈریشن کے زیراہتمام جاری ڈویلپمنٹ سیریز جونیئر نیشنل رینکنگ ٹینس ٹورنامنٹ آج سے باغ جناح لاہور میں شروع ہوگا۔ ٹورنامنٹ کے لیے رشید ملک کو ٹورنامنٹ ڈائریکٹر جبکہ فہیم صدیقی کو ٹورنامنٹ ریفری مقرر کیا گیا۔ یکم جنوری تک جاری رہنے والے چار روزہ ایونٹ میںبوائز میں انڈر 10، انڈر 12، انڈر 14، انڈر 16اور انڈر 18 جبکہ لڑکیوں میں انڈر 18 کیٹگریز کے مقابلے ہونگے۔ ٹورنامنٹ ڈائریکٹر رشید ملک کے مطابق تمام میچز پنجاب لان ٹینس اکیڈمی باغ جناح میں کھیلے جائیں گے جس کی تمام تیاری مکمل کر لی گئی۔
