نئی دہلی (صباح نیوز) بھارتی آرمی چیف جنرل دلبیر سنگھ سہاگ چاہتے ہیں کہ زیادہ سے زیادہ لڑکیاں مسلح افواج میں شمولیت اختیار کریں۔ انہوں نے آرمی چیف بننے کے بعد ہریانہ کے ضلع جگھڑ کے پہلے دورے میں اپنے آبائی گائوں میں گفتگو کرتے ہوئے کہا کہ اپنی بیٹیوں کو اعلیٰ تعلیم اور مواقع فراہم کریں کہ مستقبل میں وہ لڑکوں کی طرح ملک کی مسلح افواج میں خدمات انجام دیں سکیں۔ ان کا شاندار استقبال کیا گیا اس موقع پر ان کا کہنا تھا کہ اگر میں بشان کے درختوں کے نیچے پڑھ کر آرمی چیف بن سکتا ہوں تو آپ بھی کچھ بھی بن سکتے ہیں۔ انہوں نے کہا کہ وہ چاہتے ہیں آرمی میں جنرل کے عہدے پر زیادہ سے زیادہ افراد دیہاتوں سے فائز ہوں۔