اسلا م آباد(صباح نیوز)قومی ائیرلائن پی آئی اے کا شیڈول ایک بار پھر بدنظمی کا شکار ہو گیا۔ 3 پروازیں تاخیر کا شکار ہوئیں جبکہ ایک منسوخ کر دی گئی۔ پی آئی اے کا شیڈول حسب روایت منگل کو بھی بدنظمی کا شکار ہو گیا۔جدہ سے اسلام آباد آنے والی پرواز پی کے 742سات گھنٹے، لاہور سے جدہ جانیوالی پرواز پی کے 745 چھ گھنٹے اور اسلام آباد سے کراچی آنیوالی پرواز پی کے 373 چھ گھنٹے تاخیر کا شکار ہو گئی جبکہ اسلام آباد سے سکردو جانیوالی پرواز پی کے 451 منسوخ کر دی گئی۔