لاہور (نمائندہ سپورٹس+ سپورٹس رپورٹر) یونائیٹڈ بینک لمیٹڈ (یو بی ایل) اور سوئی نادرن گیس پائپ لائن لمیٹڈ (ایس این جی پی ایل) کی ٹیمیں قائد اعظم کرکٹ ٹرافی 2015-16ء کے فائنل میں پہنچ گئیں۔ یو بی ایل نے ایس ایس جی سی کو 6 وکٹوں جبکہ ایس این جی پی ایل نے لاہور بلیوز کو اننگز اور 325 رنز کے بھاری مارجن سے شکست دی۔ واپڈا کی ٹیم فتح کے باوجود فائنل میں جگہ بنانے میں ناکام رہی۔ ایس این جی پی ایل نے لاہور بلیوز کو اننگز اور 325 رنز سے زیر کیا۔ توفیق عمر 247 رنز بنا کر ٹاپ سکورر رہے، لاہور بلیوز کی ٹیم دوسری اننگز میں بھی 97 رنز بنا پر پویلین لوٹ گئی۔