لاہور(سپورٹس رپورٹر+نمائندہ سپورٹس) آئی سی سی انڈر 19ورلڈ کپ کی تیاریوں کے سلسلے میں کھیلے جانے والے پریکٹس میچ میں لاہور وائٹس نے پاکستان انڈر 19کو 2وکٹوں سے شکست دے دی ایل سی سی اے گراونڈ میں منعقدہ میچ میں پاکستان انڈر 19نے پہلے کھیل کر مقررہ 45اوورز میں تمام وکٹوں کے نقصان پر 239رنز بنائے ذیشان ملک نے 92، عمیر مسعود نے 47،حسان خان نے 34اور محمد اسد نے 23رنز بنائے۔ سیف الرحمن نے 3، آصٖف رضا نے 2، بلاول ، مظہرالحق اور اسفند مہران نے 1,1وکٹ حاصل کی۔ لاہور وائٹس نے ہدف 41.3اوورز میں 8وکٹوں کے نقصان پر عبور کر لیا۔ سمیع اسلم نے ناقابل شکست 127، جنید علی نے 45ناٹ آوٹ اور محمد عامر نے 15رنز کی نمایاں اننگ کھیلی۔ شاداب خان نے 3، احمد شفیق نے 2، عرفان لیاقت اور حسان خان نے 1,1وکٹ حاصل کی۔مہمان خصوصی صدر لاہور ریجن نے شاندار کارکردگی کا مظاہرہ کرنے پر سمیع اسلم کو مین آف دی میچ کا ایوارڈ دیا۔