بیجنگ (آن لائن) چین نے مستقبل میں خلائی جنگ کی تیاریاں شروع کردی ہے۔ چین نے جلد ہی ایک خلائی فوج تیار کرنے کا فیصلہ کیا ہے۔ چین حال ہی میں ہائپرسونک خلائی گاڑی اور اینٹی سیٹلائٹ میزائل کے تجربات کرچکا ہے اور اب مستقبل میں خلائی جنگ کے لیے تیاری کررہا ہے۔امریکی اخبار واشنگٹن ٹائمز کی رپورٹ کے مطابق نئی سٹریٹجک سپورٹ فورس سروس نیوکلیئر میزائل فورس ، الیکٹرانک انفارمیشن فورس ، سائبر وار فیئر ، الیکٹرانک اور سگنلز انٹیلی جنس کو کنٹرول کرے گی۔ عسکری ماہرین کے مطابق چین کی نئی سٹریٹجک سپورٹ فورس امریکہ کے سٹریٹجک کمانڈ طرز کی ہے جو میزائل، خلائی اثاثے اور سائر وارفیئر کو کنٹرول کرتا ہے۔ امکان ہے کہ یہ نیا یونٹ چین کا مستقبل کا سٹریٹجک میزائل ڈیفنس فورس کو بھی کنٹرول کرے گا۔ چین کا 2020ء کے اوائل اور 2030ء کے آغاز سے قبل چاند کی سطح پر خلا نورد بھیجنے کا بھی منصوبہ ہے۔