شیخوپورہ (نامہ نگار خصوصی) ڈسٹرکٹ ہاکی ایسوسی ایشن شیخوپورہ کے سابق عہدیداروں کا اجلاس قومی ہاکی ٹیم کے سابق کوچ اولمپئن نوید عالم کی رہائشگاہ پر منعقد ہوا۔ جس کی صدارت سابق سیکرٹری ڈی ایچ اے مبشر چوہدری نے کی، اجلاس میں پروفیسر ظفر اقبال، محمد سعید اقبال، رانا سہیل احمد ، رانا خالد حسین، محسن فرید مغل، یاور رشید گجر، شیخ نعیم احمد، حنیف خان ، غلام مصطفی خان، میاں طاہر عباس سمیت دیگر شریک ہوئے۔ اجلاس سے خطاب کرتے ہوئے سابق صدر ڈی ایچ اے مبشر چوہدری نے کہا کہ بریگیڈیئر ریٹائرڈ خالد سجاد کھوکھر کو صدر اور شہباز سینئر کو سیکرٹری پی ایچ ایف منتخب ہونے پر مبارکباد دی اور کہا کہ اس آئینی باڈی کے قیام سے نہ صرف اضلاع کی سطح پر ہاکی ایسوسی ایشن کا آئینی طریقے سے انتخاب ہوگا بلکہ اس سے ہاکی کی جام سرگرمیوں کی بحالی میں بھی مدد ملے گی۔