پٹھانکوٹ حملہ: پاکستان نے ایک روز قبل تک شواہد پر ایکشن نہ لیا تو مذاکرات نہیں ہونگے: بھارتی میڈیا کی نئی درفنطنی
نئی دہلی (نوائے وقت رپورٹ) بھارتی میڈیا حسب روایت پھر خود ہی جج بن گیا اور دعویٰ کر دیا کہ پاکستان نے ایک روز قبل تک پٹھانکوٹ حملے کے شواہد پر ایکشن نہ لیا تو دونوں ملکوں کی بات چیت نہیں ہو گی، ساتھ ہی شوشہ چھوڑا کہ سرحد پار کرنے والے دہشت گردوں کے جوتوں کے نشان مل گئے ہیں۔ سکیورٹی ایجنسیز کے اہلکار ایس پی سلویندر سنگھ کو ساتھ لے کر گورداس پور کی سڑکوں کی خاک چھانتے رہے۔ ایس پی سلویندر سنگھ نے اہلکاروں کو گاڑی چھیننے والی جگہ کا بتایا۔ سکیورٹی اہلکاروں نے بھی ایس پی سلویندر سنگھ کے مندر جانے والے راستوں کا جائزہ لیا۔
بھارتی میڈیا
