گجرات ( نامہ نگار) تھانہ کنجاہ کے علاقہ شادیوال میںڈیرے پر سوئے ہوئے محنت کش سات بچوںکے باپ کوآگ لگاکرقتل کر دیاگیا۔ موضع دراجکے تحصیل کاموکی ضلع گوجرانوالہ کے محمد یعقوب نے تقریباً 15سال سے شادیوال میں زمین ٹھیکہ پرلے رکھی تھی اور ڈیرہ بناکر وہیں پر رہائش پذیر تھا گذشتہ رات وہ سونے کے لئے ڈیرہ پر موجودکمرے میںچلاگیا جہاں پر اس کا دوست برفردار بھی موجود تھا علی الصبح جب اس کا بھتیجا آیا تو اس کے کمرہ سے دھواں نکل رہا تھا اور باہر سے کنڈی لگی ہوئی تھی اور وہ جل چکا تھا اور نعش بھی ناقابل شناخت تھی۔ مقتول کے بھتیجے امان اللہ کی درخواست پر پولیس نے برفردار ساکن دنوکہ ضلع سرگودھااور ایک نامعلوم شخص کے خلاف مقدمہ درج کرکے تفتیش شروع کر دی ہے۔