بیجنگ (آئی این پی /شنہوا) چین نے پاکستان اور بھارت کے مابین انسداد دہشت گردی کے حوالے سے تعاون کو فروغ دینے کے عزم کی حمایت کا اعلان کیا ہے۔ چینی وزارت خارجہ کی ترجمان ہوا چن ینگ نے میڈیا بریفنگ میں کہا چین پاکستان اور بھارت کے مابین تعلقات کو مضبوط کرنے کے لئے کئے جانے والے تمام اقدامات کا خیرمقدم کرتا ہے اور دونوں ممالک کے مابین انسداد دہشت گردی کے لئے تعاون کی بھی حمایت کرتا ہے۔ چین کے دونوں ہمسایہ ممالک مذاکرات اور تعاون کے ذریعے تمام معاملات حل کریں گے۔ دونوں کے مابین بہتر تعلقات خطے کے امن اور استحکام کے لئے اہم ہیں۔