دو روزہ سیرت النبیؐ کانفرنس ایوان کارکنان تحریک پاکستان میں آج شروع ہو گی ‘صدارت رفیق تارڑ کریں گے
لاہور (خبر نگار) نظریہ پاکستان ٹرسٹ کے زیر اہتمام ایوان کارکنان تحریک پاکستان لاہور میں جاری تقریبات جشن عید میلاد النبیؐ کے سلسلے میں آج اور کل دو روزہ سیرت النبیؐ کانفرنس کا انعقاد کیا جا رہا ہے۔ سیرت النبیؐ کانفرنس کے پہلے روز آج بروز جمعۃ المبارک ساڑھے دس بجے صبح منعقدہ افتتاحی سیشن کی صدارت تحریک پاکستان کے مخلص کارکن، سابق صدر اسلامی جمہوریہ پاکستان و چیئرمین نظریہ پاکستان ٹرسٹ محمد رفیق تارڑ کریں گے۔ سیرت النبیؐ کانفرنس کا اہتمام تحریک پاکستان ورکرز ٹرسٹ کے اشتراک سے کیا جا رہا ہے۔
