گوجرانوالہ: سلنڈر دھماکوں سے تباہ ہونے فیکٹری سمیت 2 متاثرہ کارخانے سیل
گوجرانوالہ (نمائندہ خصوصی) ضلعی انتظامیہ نے سلنڈر دھماکوں سے تباہ ہونیوالی فیکٹری سمیت قریبی دو متاثرہ کارخانوں کو سیل کر دیا جبکہ دوسرے روز بھی ملبہ ہٹانے اور صفائی کا کام جاری رہا۔ تفصیل کے مطابق شیخوپورہ روڈ پر بدھ کے روز سلنڈر دھماکوں سے تباہ ہونیوالی سرامکس فیکٹری کو کھیالی شاہ پور انتظامیہ نے سیل کرتے ہوئے اس سے ملحقہ دو کارخانوں جن کو دھماکے سے نقصان پہنچا تھا انہیں بھی سیل کر دیا ہے۔ یاد رہے کہ شیخوپورہ روڈ پر فیکٹری میں یکے بعد دیگرے 4 سلنڈر دھماکوں کے باعث فیکٹری اور ملحقہ گودام کی چھتیں گرنے سے 30 مزدور زخمی ہو گئے تھے۔
